MZP hruaitute chuan, Dan lo a hnamdang(vai) dapchhuahna ah hian kum reilote chhungin thil inthlak danglam tam tak a awm thu an sawi a, vai hnathawk tura kal a tam zawk hi Assam registration lirthei khalhin, Liscence neilo a khalh tam tak an awm a, Aizawl leh a chhehvela lirthei khalh an tam ta lutuk pawh an vei hle thu an sawi.

Heng bakah hian, ILP a in ziak, Purpose of Stay nen a inmil lo lutuk a hnathawk awmte pawh tam tak man an ni a, vai leh vai in sponsor 7 man an ni bawk. Vai leh vai in sponsor awm hi MZP chuan mak a ti hle a, hemi chungchangah hian sawrkar thuneitute pawh hma la nghal tur leh ILP pekchhuah kawngah a ti diklo tu an awm anih chuan, chhui chhuaha hremna pek ngei MZP chuan an phut tlat bawk a ni.

MZP chuan, hnamdang(vai) ILP check chungchangah, check chhung zawnga vengchhung leh check na hmun a Traffic Police Duty te thlawpna avangin lawmthu an sawi a, sairang thlenga rel alo luh tak avangin, mizo mipuite pawh harh thar a, mahni awm hmun theuh ah ILP check uar tur leh kan chhawr te ngei pawh an fel fai em tih en nawn fo turin MZP chuan  mizo mipuite a ngen a ni.